::::  الجزء الثاني  ::::

 

 

 

 ( تقديــــــــــم )

 

أمس من اول ماصحيت الصباح لحد الليل الساعه 9 وانا

 

طالعه ادور وأقدم الحمدالله حسيت إني سويت خطوه حلوه

 

اللي رفع ضغطي يوم رحت المديريه العامه للشؤون الصحيه على اساس بقدم في مستشفى

 

النساء والاطفال وقالوا لنا روحو المستشفى نفسه رحنا المستشفى نفسه

 

يوووووووووووووه

وشوووووووو ذا

 

انا اول مره ادخل مستشفى غير المانع أو ارامكو فرق شاسع سبحان الله

 

ذكرني المبنى بمدارسنا القدييييييييييييييييمه هذيك

 

المهم درناه كله من جد تعبنا واحنا نسأل وندور

 

 

في الاخير لقينا الادراه

 

وماكان فيها الا السكرتير ..,, قلنا له بقدم وظيفه قال ليش مارحتو المديريه

 

قلنا له قالوا لنا تعالوا هنا

 

قال طيب اجل استنوا المدير الساعه 2

 

وشو نستنى ثلاث ساعات

 

      قلت خلاص ما ابغى اقدم هنا انسدت نفسي

    ومن الحظ الحلو وانا رايحه بقدم في معهد الا وهو مسكر خلاص قفلوا

   

 ورجعنا البيت وكملت الجوله بعد المغرب ..,,    

 

      طلعنا وحطينا امي وأختي في ملاهي جيان وانا رحت مع ابوي أقدم

 

ويوم خلصنا رجعنا لهم يوم نزلنا من السياره قلت لابوي

 

نسيت ملفي في السياره بجيبه على شان أقدم في جيان الله اعلم يمكن يبغون أحد يبيع أو شيء

 

أبوي : لا والله ياشيخه ايوه يمكن صح هاتي ملفك قدمي عندهم

 

 

 

قلت لا خلاص غيرت رايي

 

 

 

 ( ملاهي جيـــــــــان)

 

يوم دخلنا جيان شفنا اختي تتزلج وامي قاعده

 

وبصراحه انا أحب العب اي والله من جد عادي العب

 

أستانس ما احب اطلع واتفرج والا بس اجلس جالسه

 

أخذت بطاقة أختي وقلت لامي فيها شيء والا فاضيه قالت مدري روحي

 

شوفي رحت بشوف يعني بجربها في أي لعبه

 

مدري حسيت كل الناس يطالعون فيني

 

رجعت لأمي قلت لامي تعالي معي

 

 

أحس الناس يضحكون علي

 

قالت امي مانيب قايمه تبغين تلعبين هذيك هي الالعاب روحي

 

يووووووووووووووووووووووه يمه

 

من جد خاااااااطري العب

 

رحت وماعلي من احد ولعبت في كمبيوترات السيارات احبها اموت فيها

 

استانس عليها

 

وخلصت البطاقه

 

رجعت لامي قلت يمه خلصت تجين تعبينها لي

 

 

قامت امي وتنازلت احم  احم

 

( ما احب امشيء بلحالي لازم يا أمي أو ابوي معي )

 بصراحه ما احب

 

 

وعطتني البطاقه وكملت لعب اهم شيء نفذت اللي في بالي

 

انا مايقهرني الا اختي اذا شافتني العب قالت لي

 

 

قووووووووووووووووومي بلعب انا

 

مره ماأنسى فشلتني في جيان موقف ما احسد عليه

 

كان يوم زحممممممممممه  مره

 

وكانت تستنى عند لعبه كور ( بولينق ) وكانت ماسكه البطاقه

 

قالت لي امسكيها لي قلت طيب اخذتها منها ومشيت شوي بروح اجلس

 

الا واالأخت تصارخ بأعلي صوتها تبكي لاتلعبييييييييييييييييييين فيهااااااااااا طيب

 

: أنا

 

 

الله يفشل عدوك مابقى احد ما انتبه

 

 

انا ما احب المشروبات الساخنه الكوفي وما الى ذلك

 

احب الحليب بالشاهي اللي اسويه انا  بس

 

الموهم كان برد ورحت مع امي على اساس بتطلب لها وابوي

 

قالت وش تبغين قلت كابتشينو مع إني ما احبه بس كان برد مره وابغى شيء دافي

 

قلت لها قولي له كابتشينوا بالحليب

 

الا واشوف الفلبيني يضحك ؟؟؟

 

خير ان شااءالله

 

أمي اجل الكابتشينو بوشو

 

قلت لها مدري بس اهم شيء لاينسى يحط فيه حليب

 

يوم خلصنا

 

امي استلمتني

 

كابتشينو بالحليب هاه

 

قلت ايه

 

قالت لحد يسمعك غيري

 

يوم وصلنا للطاوله امي ماصدقت قالت لابوي

 

ابوي : من جدك تقولين كذا ما ألومه ضحك عليك

 

 

 

 

وبس خلااااااااااااااااااااااااص خلصت الحكايا الاموريه ..,,

 

 

 تمنيــــــــاتي للجميع بدوام الصحه والتوفيق

 

امـــــــــــــورة

   

 

 

   

 

::::  الجزء الأول ::::

 

 

 

(  إعتذار عن حذف خاصية الطلبات )

 

أولا حابه أعتـذر من الجميع لأني حذفت خاصية طلب أي تصميم من أموره

اللي هي كانت خدمه حصريه أمورية

 

طبعا وذلك لعدة اسباب

 

: أولا

أنا شريره

 

: ثانيا

 

مالي مزاج اصمم صارت عندي حالة كره للفوتوشوب

يعني احب افتح  البرنامج واصمم على مزاجي من غير محد يقول لي

 

: ثالثا

 

وهو الاهم بصراحه أنا إنسانه اذا احد طلب مني شيء ما ارتاح نفسيا

الا لمن ألبي طلبه خاصة إذا انا اقدر وارتاح اكثر إذا اللي قدمته نال اعجاب الغير

فمن هذا المنطلق

 

كانت توصلني رسائل وطلبات وبالكثير تقريبا يومين ثلاث ايام وانا مجهزه التصميم

 

سواءا كان توقيع أو بنر

 

طيب المشكله موب هناا

 

بما إن التصميم أخذ مني وقت وجهد وتدوير وتفكير وما الى ذلك

بالنسبه للبنرات انا كنت اصممها بحيث تتناسب مع السبيس

من حيث الحجم واللون وفكرة السبيس

 

طيب على الاقل مجامله كلمة ( شكرا ) أو حتى الله يعطيك العافيه

محد قال لي ياها  هذا كوم وانهم مايستخدمونها كوم ثاني

 

جاني إحباط من جد  

 

إنتو ماتعرفون أموره صح إنها شريره بس قلبها طيب وحساسه مره

 

    وبكذا خلصت من أول شيء بخاطري    

 

 

 

 ( الوظــــــــــــــــــائف )

قبل كل شيء عندي أمنية

 

طبعا من زمااااااااااان وانا أسمع إنهم بيطبقون السعودة في السعوديه

 

طيب وبعدين بالقطّاره المسأله وش الصعوبه فيها .,,

 

كل سنه شكلهم يطبقونها على جهة وحده

 

حرام والله صارت أغلب الوظايف عندنا للأجانب

 

وجع يوجع بطن العدو

 

ليش يعني مو مالين عيونهم بنات وعيال بلدهم ..,,

 

من جد شيء يقهر مآخذين وظايفنا واحنا مثل الاغراب في بلدنا ندور

 

أمحق سعودة وربي

 

اتمنى يسفرون كل الاجانب

 

 

للتنويه فقط

 

الأجانب اللي أقصدهم في كلامي يعني الامريكان والهنود والفلبين

أتمنى محد يآخذ بخاطره مني انا ما اقصد العرب أبدا

بس حبيت أبين لكم يعني علشان محد يفهمني غلط

 

 

أعتقد مافيها شيء إذا شبابنا الاعزاء تكرموا وتنازلوا وتواضعوا يمسكون أي وظيفة

 

والالف ميل يبدأ بخطوه ..,,

 

والله لو أنا ولد عادي مافيها شيء أشتغل في بلدي أي شغله دامها محترمه

 

اساسا اذا طلعنا الصباح وشفت عمال جالسين في اعمال البناء والا الزراعه

 

ويسوقون التريلات مدري وش اسمها هذي الكبيره  اقول في نفسي والله وناسه

 

عادي مافيها شيء الواحد يخجل انه يشتغل كذا

 

أبوي اذا جا يسولف لنا عن زمانه وشبابه وكيف كان يتعب ويكد ويشقى

 

وكيف بدا مشواره ووين وصل الحين

 

 من جد شيء يفتخر فيه الانسان ..,,

 

ولو كل انسان تواضع وفكر في إن المسأله مو معقده

ماكان فيه هالعطاله ..,,

 

الموووووووووووووووهم هذي المقدمه الطويله والعريضه ..,,

 

لأني مقهوره مالقيت وظيفه لا وانقهر زياده اذا رحت اقدم في مكان ويكونون أجنبيات

 

يووووووووووووووووووووه أحس إني بنفجر من القهر

 

صرت اقوم من الساعه 7 الصباح وامسك جريدة المبوبه

 

واجلس أدقدق الوظائف اللي الاقيها حتى اذا شفت معهد حاطين اعلان

 

يبغون احد يسجل عندهم دراسه انا اكلمهم أسأل عندكم وظايف

   

 

عارفه إني قمة في الازعاج

 

ومن البلاهه اللي فني مدري هو ذكاء هو غبا الله اعلم

 

لقيت اعلان مطلوب موظفات في ( مستوصف رحيمه ) المهم

 

كلمتهم رد علي واحد قلت انتوا طالبين موظفات قال ايوه

 

وش مؤهلاتك .. الخ

 

الموهم في الاخير كأني استوعبت قلت

 

المستوصف هذا وين فيه ؟؟؟

 

قال لي في رحيمه

 

قلت يوه بعيد

 

من جد طاح وجهي

 

وش هالحظ

 

    أنا ابصم بالمليون إن حظي نحس بالذات في هالشهر

 

مدري ليش   بعد عناء لقيت وظيفه 

 

ورحت على اساس اقدم عندهم

 

  أولا بالموت لقينا مكانهم لدرجة إن أبوي قال لي وانتو كل شيء تعقيد   تتمسكين فيه

 

  واخيرا لقينا المكان بصراحه يعني  

 عماره مظلمه وحالتها حاله وتوهم يبنون فيها ولوحتهم طايحه

  لحوووووووووووول  

 

الموضوع مبين من عنوانه على قولتهم

 

   دخلت انا وامي على قولت اللي كلمتهم انهم بالطابق الثاني

 

  اول شيء دخلنا اللفت ( الاصنصير) وطلعنا فوق اول مافتح باب اللفت

 

 الا وعمال بوجيهنا والمكان من جد ظلاااااااااااااااام مانشوف شيء

 

  امي طالعت فيني وبدت تهزيء امشي امشي ياللا نطلع ماوراك الا وجع الراس انتي

 

   انا : لا يمه الله يخليك حرام وصلنا لحد هنا مالي لازم اقدم  

 كلمت الاخت وقالت لي ايوه ايوه احنا في الطابق الثاني بس الدنيا ظلام  

 

 الكهرب مقطوع قلت طيب على خير   وفي الاخير لقينا المكان

 

   وقابلنا المديره   ساعه ونص وهي تتكلم مشاءالله عليها بس مدري وش قالت وش ماقالت

 

   قالت لي ترا حن انتراكت مع ارامكو اذا تبغين تتوظفين في ارامكو  

 

قلت لها ما ابغى اختلاط لو ابغى ارامكو كان من زمان خليت ابوي يوظفني فيه  

 

 المهم في الاخير طلعت شغلتهم شوي صعبه مدري كيف اشرحها ..,,  

 

 بس تشبه المندوبين وهكذا وانا اكره شيء اسمه وظيفة مندوبه   لانها تبغالها مواصلات

 

 وما الى ذلك وانا مشكلتي في المواصلات   قلت لها خلاص بشوف الوالد وارد لك خبر

  قالت لي على خير ان شاءالله        

 

ورجعنا البيت ومرت يومين وقلت لابوي ياللا بروح اقدم بنفس المكان

لأني مليت من جلسة البيت ياللا شيء احسن من لاشيء

 

قال ابوي

لا مو لازم والله مكانهم يخوف وبعدين دوامهم في الليل

أنا

 

تروني أبكي على طول من جد ما اقدر  أحبس دمعتي بالذات اذا انقهرت

وخاصه من ابوي

 

  اذا انقهرت مااحب اتكلم ولا احد يكلمني ولا اشوف احد ولا احد يشوفني ولا احد يضحك قدامي

   أحس أي احد بيقول لي كلمه بنفجر   الا وأمي العزيزه  

إمشي  خلصينا بنروح لبيت عمك

   قلوبكم من حجر ماتحسون فيني أنتو  

  خلصنا ولبسنا وركبنا السياره

  ابوي : وشفيك ليكون زعلانه

أنا : لا مبسوطه متشققه من البسط  

ابوي: بتلاقين احسن من هالوظيفه بمليون مره  

 : أنا  

 يوم رحنا بيت عمي طبعا انا مالي مزاااااااااااااااج  

 

 طول الوقت وانا ساكته ووجهي أحمر   لا وعمي جالس ينكتب بعد   هاه وش اخبار الاسهم معك

 

   قلت له وشو  اسهمه    

 

صدق المثل اللي يقول اللي ايده في المويه مو مثل اللي ايده في النار

 

  وبس خلاص رجعنا بيتنا واللي فات مات

 

 

 ( كــــــــــورس انجليزي وموال جديد )

 

الحين  موال جديد  خلاص نسيت الوظايف شوي

 

جيت لابوي قلت بآخذ كورس انقلش في ارامكوا

 

قال لي عادي مو مشكله بجيب لك جدول الكورسات واختار

 

قلت طيب

 

يوم جاب لي الجدول بدت الكورسات من كم اسبوع

 

انا انقهرت من قلب

 

مااقدر اسجل الا بعد شهرين

 

جا من بكره ابوي يقول لي

 

الكورسات بس للسنير مو للشفتات

 

يعني ابوي دوامه شفتات مراح يخلوني أدرس

 

تعالوا دوروني مابقت دعوه مادعيتها على ارامكو اذا صار فيها شيء

 

فمن دعواتي

 

 

قلت هم الخسرانين

 

 

 

قلت عادي بروح ادرس في معهد

 

وجلست احن فوق راس ابوي انا مدري وشفيني الفترة اللي فاتت بس اشوف ابوي

لابس وبيطلع اطير فيه وين بتروح وانا؟

 

ابوي : وشو وانتي

 

بروح معك اقدم أو أي شيء

 

ابوي مسكين وصل حده شكله

 

قال شوفي انطقي في البيت مافيه دراسه خلاص جننتيني

 

مو شيء ضروري تفكرين فيه ياما كثير دروسوا كورسات وماجابت فايده

 

وبصراحه ومن كثر ماصرت أحن خلاص هونت

 

ماعادني بدارسه لا كورس ولا جامعه ولا هم يحزنون

 

 

بعيد موال الوظايف

 

 

 

 

يتــــــــــــبع الجزء الثاني

 

:

:

:

 

♥--------------------------♥